ക്ലാസ് 5

വിശുദ്ധഗ്രന്ഥമായ ബൈബിളിന്‍റെ പ്രാധാന്യവും പ്രത്യേകതകളും വ്യക്തമാക്കുന്നതാണ് ഈ പാഠം. ദൈവവചനത്തിന് അനുദിന ജീവി തത്തില്‍ സ്ഥാനം നല്‍കേണ്ടതിന്‍റെ ആവശ്യകത ഈ പാഠത്തിലൂടെ കുട്ടികള്‍ ഗ്രഹിക്കണം. ബൈബിള്‍ ആദരവോടെ ഉപയോഗിക്കാനു മുള്ള താല്പര്യം കുട്ടികളില്‍ വളര്‍ത്താന്‍ ഈ പാഠം ഉപകരിക്കണം.

വിശ്വാസികളുടെ പിതാവായ അബ്രാഹത്തിന്‍റെ ചരിത്രം വിവരി ക്കുന്ന പാഠമാണിത്. ദൈവം അബ്രാഹത്തെ വിളിക്കുന്നതുമുതലുള്ള സംഭവപരമ്പരകള്‍ ഇതില്‍ വിവരിക്കുന്നു. വിശ്വാസത്തിന്‍റെ പ്രാധാന്യം ഗ്രഹിക്കാനും വിശ്വാസത്തില്‍ ഉറച്ചു നില്‍ക്കേണ്ടതിന്‍റെ ആവശ്യകത മനസ്സിലാക്കാനും ഈ പാഠം കുട്ടികളെ സഹായിക്കണം. വിശ്വാസ ത്തില്‍ അടിയുറച്ചുവളരാന്‍ കുട്ടികള്‍ക്ക് പരിശീലനം നല്‍കാന്‍ ഉപകരിക്കുന്ന പാഠമാണിത്

അബ്രാഹത്തിന്‍റെ സന്തതിപരമ്പര എങ്ങനെ ഇസ്രായേല്‍ ജനമായി രൂപപ്പെട്ടു എന്നു വിവരിക്കുന്ന പാഠമാണിത്. ദൈവം ഒരു ജനതയെ സ്വന്തം ജനമാക്കി മാറ്റുകയും അവരെ പ്രത്യേകമായി നയിക്കുകയും ചെയ്യുന്നു. ദൈവത്തിന്‍റെ രക്ഷാകരപദ്ധതിയെക്കുറിച്ച് മനസ്സിലാക്കാന്‍ ഈ പാഠം സഹായിക്കും. ജീവിതത്തില്‍ ദൈവ ത്തിന്‍റെ പദ്ധതി നടപ്പിലാവുന്നതിനെ സംബന്ധിച്ചുള്ള പ്രാഥമിക ചിന്തകള്‍ കുട്ടികള്‍ക്ക് നല്‍കാന്‍ ഈ പാഠം ഉപയോഗിക്കാം.

വിശ്വാസികളുടെ പിതാവായ അബ്രാഹത്തിന്‍റെ ചരിത്രം വിവരി ക്കുന്ന പാഠമാണിത്. ദൈവം അബ്രാഹത്തെ വിളിക്കുന്നതുമുതലുള്ള സംഭവപരമ്പരകള്‍ ഇതില്‍ വിവരിക്കുന്നു. വിശ്വാസത്തിന്‍റെ പ്രാധാന്യം ഗ്രഹിക്കാനും വിശ്വാസത്തില്‍ ഉറച്ചു നില്‍ക്കേണ്ടതിന്‍റെ ആവശ്യകത മനസ്സിലാക്കാനും ഈ പാഠം കുട്ടികളെ സഹായിക്കണം. വിശ്വാസ ത്തില്‍ അടിയുറച്ചുവളരാന്‍ കുട്ടികള്‍ക്ക് പരിശീലനം നല്‍കാന്‍ ഉപകരിക്കുന്ന പാഠമാണിത്

ഇസ്രായേല്‍ക്കാര്‍ക്ക് ഈജിപ്തില്‍ അനുഭവിക്കേണ്ടിവന്ന അടിമത്തം, അവരെ അതില്‍ നിന്ന് മോചിപ്പിക്കാന്‍ നേതൃത്വം നല്‍കിയ മോശയുടെ ചരിത്രം എന്നിവയാണ് ഈ പാഠത്തിലെ ഉള്ളടക്കം. മോശയെ വിളിക്കുകയും ശക്തിപ്പെടുത്തുകയും വഴിനടത്തുകയും ചെയ്യുന്ന ദൈവത്തെക്കുറിച്ച് ഈ പാഠത്തില്‍ പഠിക്കാം. ദൈവം നമ്മെയും ഈ വിധത്തില്‍ പരിപാലിക്കുന്നു എന്ന സന്ദേശം കൈമാറാന്‍ ഉപകരിക്കുന്നതാണ് ഈ പാഠം.

ഈജിപ്തിലെ അടിമത്തത്തില്‍ നിന്ന് ഇസ്രായേല്‍ ജനതയെ ദൈവം മോചിപ്പിക്കുന്നതാണ് ഈ പാഠത്തിന്‍റെ പ്രതിപാദ്യം. ദൈവം നേരിട്ട് ഇടപെടുകയും ഇസ്രായേലിന്‍റ പ്രതിസന്ധികളില്‍ സഹായ മേകുകയും ചെയ്യുന്നു. ക്ലേശങ്ങളുടെ ഒടുവില്‍ അവര്‍ക്ക് മോചനം ലഭിക്കുന്നു. പാപത്തിന്‍റെ ബന്ധനത്തില്‍നിന്ന് ദൈവം നമ്മെയും മോചിപ്പിക്കുമെന്ന സന്ദേശംകൂടി ഈ പാഠം നല്‍കുന്നുണ്ട്.

ചെങ്കടല്‍ കടന്ന് ഇസ്രായേല്‍ ജനം മരുഭൂമിയിലൂടെ യാത്ര ചെയ്യുന്നതാണ് ഈ പാഠത്തില്‍ വിവരിക്കുന്നത്. പല വിഷമസന്ധികളും അവര്‍ക്ക് നേരിടേണ്ടി വരുന്നുണ്ട്. എന്നാല്‍ അപ്പോഴൊക്കെ ദൈവം ഇടപെട്ട് അവരെ സഹായിക്കുന്നു. കാടപ്പക്ഷിയും മന്നയുമൊക്കെ ഉദാഹരണങ്ങളാണ്. ദൈവം നമ്മുടെ കൂടെ നടക്കുന്നവനാണ് എന്ന അവബോധം കുട്ടികളില്‍ ജനിപ്പിക്കാന്‍ ഈ പാഠം ഉപകരിക്കും.

കാനാന്‍ദേശത്തേയ്ക്കുള്ള യാത്രയ്ക്കിടയില്‍ സീനായ് മലയില്‍ വച്ച് ദൈവം ഇസ്രായേല്‍ക്കാരുമായി ഉടമ്പടി ചെയ്തതിന്‍റെ വിവരണ മാണ് ഈ പാഠത്തിലുള്ളത്. പത്തുപ്രമാണങ്ങള്‍ ദൈവം നല്‍കു ന്നതും ഇതില്‍ വിവരിച്ചിരിക്കുന്നു. ഈശോ നല്‍കിയ സ്നേഹത്തിന്‍റെ കല്പന, പത്തുപ്രമാണങ്ങളുടെ തുടര്‍ച്ചയാണെന്ന് ഗ്രഹിക്കുവാന്‍ ഈ പാഠം സഹായിക്കുന്നു.

ഉടമ്പടിയുടെ ജനമായ ഇസ്രായേല്‍ എങ്ങനെ ജീവിക്കണമെന്ന് ദൈവം വിശദമാക്കുന്നു. ഇസ്രായേല്‍ക്കാരുടെ പ്രത്യേകതകള്‍ ഈ പാഠത്തില്‍ അക്കമിട്ടു പറയുന്നുണ്ട്. ദൈവകല്പനകള്‍ അനുസരിക്കാന്‍ കടപ്പെട്ടിരുന്ന ഇസ്രായേല്‍ക്കാരെപ്പോലെ സഭാമക്കളായ നമ്മളും ദൈവത്തിന്‍റെയും സഭയുടെയും കല്പനകള്‍ അനുസരിച്ച് ജീവിക്കാന്‍ കടമയുള്ളവരാണെന്ന് ഈ പാഠം അനുസ്മരിപ്പിക്കുന്നു.

വര്‍ഷങ്ങള്‍ നീണ്ടുനിന്ന ക്ലേശകരമായ യാത്രയുടെ ഒടുവില്‍ ഇസ്രായേല്‍ക്കാര്‍ വാഗ്ദത്തഭൂമിയില്‍ പ്രവേശിക്കുന്നതാണ് ഈ പാഠത്തിന്‍റെ ഉള്ളടക്കം. മോശയുടെ മരണവും ജ്വോഷയുടെ നേതൃത്വ വും ഹൃദയസ്പര്‍ശിയായി ഇതില്‍ അവതരിപ്പിച്ചിട്ടുണ്ട്. സ്വര്‍ഗത്തെ ലക്ഷ്യമാക്കി ഈ ലോകത്തില്‍ യാത്ര ചെയ്യുന്നവരാണ് നമ്മളെന്ന ബോദ്ധ്യം കുട്ടികളില്‍ വളര്‍ത്തിയെടുക്കാന്‍ ഈ പാഠം ഉപകരിക്കും.

ഇസ്രായേല്‍ക്കാര്‍ ആലോഷിച്ചുപോന്ന തിരുനാളുകള്‍, സഭയിലുള്ള തിരുനാളുകള്‍, ഓരോ തിരുനാളിന്‍റെയും പ്രത്യേകതകള്‍ എന്നിവയെല്ലാം വിവരിക്കുന്ന പാഠമാണിത്. തിരുനാളുകളുടെ അര്‍ത്ഥവും സന്ദേശവും ഗ്രഹിക്കുന്നതിന് ഇത് ഉപകരിക്കും. അര്‍ത്ഥ മറിഞ്ഞ് ആചരിക്കുമ്പോഴാണ് തിരുനാളുകള്‍ നമ്മുടെ ജീവിതത്തിന് ഉപകരിക്കുന്നതെന്ന സത്യം കുട്ടികള്‍ക്കു പകര്‍ന്നുകൊടുക്കുകയും ആ വിധത്തില്‍ തിരുനാളുകളില്‍ പങ്കെടുക്കാന്‍ കുട്ടികളെ പരിശീലിപ്പി ക്കുകയും ചെയ്യണം

പ്രാര്‍ത്ഥന, ആരാധന, ബലികള്‍, ദൈവാലയം, സാബത്ത് തുട ങ്ങിയവയെ സംബന്ധിച്ച കാര്യങ്ങളാണ് ഈ പാഠത്തിന്‍റെ ഉള്ളടക്കം. ഇസ്രായേല്‍ക്കാര്‍ ഓരോന്നിനും നല്‍കിയിരുന്ന അര്‍ത്ഥമെന്തെന്നും ഇതില്‍ വിവരിക്കുന്നു. സഭയിലെ ആചരണങ്ങളെക്കുറിച്ചും ഈ പാഠം പരാമര്‍ശിക്കുന്നു. സഭാജീവിതത്തില്‍ സജീവമായി പങ്കുചേരാനുള്ള ക്ഷണവും പരിശീലനവുമാണ് ഈ പാഠത്തിലൂടെ കുട്ടികള്‍ക്ക് ലഭിക്കേണ്ടത്.

ഇസ്രായേല്‍ ജനത്തെ ഭരിക്കാനും നയിക്കാനുമായി ദൈവം നല്‍കിയ നേതാക്കന്മാരെക്കുറിച്ചുള്ളതാണ് ഈ പാഠം. രാജാക്കന്മാരും പുരോഹിതന്മാരും ഇക്കൂട്ടത്തില്‍പ്പെടുന്നു. ഇസ്രായേല്‍ ജനതയുടെ ജീവിതത്തില്‍ ഈ നേതാക്കന്മാര്‍ക്ക് ഉണ്ടായിരുന്ന പ്രാധാന്യവും പ്രാമാണ്യവും ഈ പാഠം വ്യക്തമാക്കുന്നു. സഭയില്‍ ഇന്നുള്ള നേതൃത്വത്തെക്കുറിച്ചും വിശദമാക്കുന്നു

ദൈവത്തിനുവേണ്ടി സംസാരിക്കുന്ന പ്രവാചകന്മാര്‍ ഇസ്രാ യേലില്‍ ഉണ്ടായിരുന്നു. അവരെക്കുറിച്ചും അവരുടെ ദൗത്യങ്ങളെ ക്കുറിച്ചും വിവരിക്കുന്ന പാഠമാണിത്. ഇസ്രായേല്‍ ജനതയെ നേരിന്‍റെ വഴിയേ നയിക്കാന്‍ പ്രവാചകന്മാര്‍ വഹിച്ച വലിയ പങ്കിനെക്കുറിച്ച് ഈ പാഠം വിവരിക്കുന്നുണ്ട്. സഭയില്‍ ഉള്ള പ്രബോധകരെക്കുറിച്ചും ഈ പാഠം അറിവുനല്‍കുന്നു. ദൈവികസന്ദേശം അവസരിച്ചു ജീവി ക്കേണ്ടവരാണ് തങ്ങളെന്ന അവബോധം കുട്ടികളില്‍ വളര്‍ത്തുവാന്‍ ഉപകരിക്കുന്നതാണീ പാഠം.

ദൈവപുത്രനും ലോകരക്ഷകനുമായ മിശിഹായെക്കുറിച്ച് ഉണ്ടാ യിട്ടുള്ള വാഗ്ദാനങ്ങളും പ്രവാചക വചനങ്ങളുമാണ് ഈ പാഠത്തിന്‍റെ ഉള്ളടക്കം. ഈശോയുടെ പ്രാധാന്യം ലോകത്തിലും ചരിത്രത്തിലും എത്രമാത്രമുണ്ടെന്ന് ഈ പാഠം വ്യക്തമാക്കുന്നു. പഴയനിയമത്തിന്‍റെ തുടര്‍ച്ചയായി പുതിയനിയമം ഉടലെടുക്കുന്നത് ഈശോയിലൂടെയാണ്. ഈ പശ്ചാത്തലത്തില്‍ ഈ അവസാനപാഠത്തിന് പ്രത്യേക പ്രസക്തി യുണ്ട്. പ്രവചനങ്ങളുടെ പൂര്‍ത്തീകരണമായ ഈശോയെക്കുറിച്ച് കൂടുതലറിയാന്‍ താല്പര്യം ജനിപ്പിക്കുകയെന്നതും ഈ പാഠത്തിന്‍റെ ലക്ഷ്യമാണ്.